心情论坛 - 心情网

标题: 当另一半落难，１２星座有咩反应？ [打印本页]

作者: 卡哇依 时间: 2006-11-30 23:12 标题: 当另一半落难，１２星座有咩反应？

★白羊座

白羊座不分男女都系非常大男人、大女人，而且睇自己个面子大到成个月球咁大，所以万一佢另一半落难，佢一定会出尽全力帮佢摆平，如果唔系佢另一半畀人数臭，佢一样觉得咁没面，所以点都会陪你死撑落去。

★金牛座

金牛座系ｄ好鬼传统的人，佢对另一半的睇法都系咁，大家一旦走埋一齐，就算对方发生咩事，佢绝对唔会离弃对方，就系正所谓的嫁鸡随鸡，嫁狗随嫁狗，不过难免佢会成日系你身边呻到你烦爆！

★双子座

双子座份人系有一点冷淡，对住另一半都唔例外，如果一旦你落难身陷险境，你咪怪双子座冷漠无情，佢唔系唔想帮你，不过响佢个字典入面会认为「我帮得你几多次」，久而久之佢会索性消失埋！系各自飞的高危份子！

★巨蟹座

讲到巨蟹座就要睇吓你两个嘅关系去到边，如果停留响男女朋友的层面，系尽可能兼有能力的范围底下，佢都会希望可以帮到你，不过始终唔系一家人，佢会留有低线；不过一旦成为佢老公或者老婆，佢就会尽心尽力为头家着想。

★狮子座

讲到呢位面子大王，另一半落难佢当然会出尽全力帮你，你有事咪即系等于佢有事，抱住呢个英雄主义佢点唔会出手呀！但系～咪开心得咁早住，佢将你由地狱救返出来之后，佢一系提你一世佢帮过你，一系就嫌弃飞掉你！

★处女座

唔好意思，讲到精打细算，处女座认第二没人咁认第一，如果另一半落难，佢又唔会话衰到第一时间选择离开你，但系你自己没解决的方案而令佢面临危机，咁就唔好怪佢执行李带埋ｄ私己钱走佬喎！

★天秤座

平日没乜主见的天秤座响呢个时候真系心都乱晒，佢系真心唔知应该点样处理，所以基本上佢系唔会识得有乜系应该做同唔应该做，大概都会系死撑同埋继续留响佢另一半身边，衰ｄ讲句就系揽埋一齐死！

★天蝎座

如果你另一半系天蝎座就恭喜晒你！要讲到最用力撑另一半的就非天蝎座莫属，你咪睇佢平日阴阴湿湿咁，其实佢好鬼重视另一半，所以无论你发生咩事，凭住佢嘅战斗力，要帮你解困当然没难度啦！

★人马座

首先，人马座系讲道义嘅星座，另一半有难，响佢心里面当然认为唔可以大难临头各自飞啦！表面上佢会好似好有义气陪你，不过响佢内心又唔系咁甘心陪你捱喎！所以你一系先下手为强要佢支持你，一系你就放佢走啦！

★山羊座

你千祈咪傻到会憧憬同呢个星座会有患难见真情的画面，一旦对佢没晒利用价值不特止，仲要佢关照返你转头，唔好意思，佢会狠狠咁一脚踢开你，如果你系抵死，佢仲会加ｄ冷嘲热讽添！好鬼现实同冷血！

★水瓶座

为人理智但系非常负责任的水瓶座，基本上佢会响佢能力范围低下尽力帮你，仲唔会多多声气，直头系施恩莫望报嗰只，但系！恩只会有一次机会，如果佢见到你一错再错，对唔住佢唔会再睬你！

★双鱼座

基本上双鱼座系唔会离开你，不过佢唔系出于义气，而系觉得比起离开你要佢一个人出去捱世界就更加艰难，佢总系会认为你一定有办法搅得妥，讲得好听ｄ，佢会对你不离不弃，讲得现实ｄ系就算你落难都仲要咩住呢个大包袱！

欢迎光临心情论坛 (http://bbs.exinqing.net/)