心情论坛 - 心情网

标题: 2006-2007 开学星座指南 [打印本页]

作者: Star 时间: 2006-9-11 01:28 标题: 2006-2007 开学星座指南

山羊座 CAPRICORN 22.12-19.01

学年预测
爱情：
你仲未想定落嚟，10月嘅一段恋情只会维持到年尾。之后你会同几个迷人嘅男生约会，但佢哋只适合做朋友。直到夏季你先会搵到个长久嘅对象。
学业：
开始觉得某啲科目好难，甚至会跟唔上进度。你更可能要喺暑假参加补习班恶补一下吓。最后你会发现所有努力都系值得嘅！
朋友：
你嘅Best fd可能要移民，对你嚟讲系好大损失。不过你身边仲有大把老友支持你。记住佢哋有时都需要你撑o架。

水瓶座 AQUARIUS 20.01-18.02

学年预测
爱情：
你唔系想玩玩吓，只系想爱情同自由兼备。太黐身嘅男生唔啱你。放心，今年你将会遇到更多独立嘅Cute Guys。
学业：
秋天时你对主要科目嘅记忆力会下降。揾个会突击考你嘅老友一齐温习，所有读书功力就自然返晒嚟。
朋友：
你要学懂点样将唔同性格嘅Fd连繫起来嚟。春天时你会认识一位火速熟落嘅新朋友。

双鱼座 PISCES 19.02-20.03

学年预测
爱情：
你份人超Sweet，就算只系普普通通同啲男生倾吓偈，佢哋都以为你对佢哋有意思。新学年你会同一位男性朋友一拍即合。
学业：
人人都以你今年净系挂住Social，成绩一定好差。假期之后，你从后赶上，仲名列前矛，边个仲够胆睇小你？！
朋友：
人缘极佳，吸引不少真朋假友。唔洗担心，你有一班永远唔会呃你嘅好朋友同Best Fd。

白羊座 ARIES 21.03-19.04

学年预测
爱情：
夏秋时嘅一段恋情佔据咗你唔少时间。但到咗春天，你不想再受到束缚。
学业：
今年学业运佳。秋天尾起，老师同同学会对你另眼相看，你仲可能喺暑假前胜出某啲比赛。
朋友：
你开始比其他Fd变得成熟。冬天时你会结识一班新朋友。但唔好完全唔理班旧Fd，夏天一到你会发现唔可以无咗佢哋。

金牛座 TAURUS 20.04-20.05

学年预测
爱情：
今年你超受男生欢迎。唔好咁急就下决定，睇清楚先。到春天你自然会拣到个好人选。夏天你仲会同佢糖黐豆。
学业：
秋天起浑身充满创意正能量，但冬天一完就打回原型。解决办法系揾个同你有共同目标嘅朋友一齐温习，互相鞭策。
朋友：
你唔想再同班净系吃喝玩乐嘅Fd埋堆，想揾啲有共同兴趣嘅朋友。夏天时你可能会对择友无咁执着。

双子座 GEMINI 21.05-20.06

学年预测
爱情：
你不断与唔同嘅男生约会。了解佢哋之后，你就会知道边类男生至啱自己。春天时你就可以作出抉择。
学业：
你净系顾住玩课外活动，将学业完全抛诸脑后。直到1月你先发现原来两者息息相关。
朋友：
今年同啲姊妹关系超好。你哋互相尊重，而佢哋好欣赏你，你嘅说话对佢哋仲好有影响力添。

巨蟹座 CANCER 21.06-22.07

学年预测
爱情：
今年你会有多段恋情，最难系要学识点样讲分手时唔Hurt到对方。直觉话你知真命天子仍未现身。
学业：
秋天时头脑敏锐，但一踏入冬季读书就力不从心。今年不妨参加外语班，满足你对外地文化知识的渴求。
朋友：
秋天时某个Fd会妒忌你，令你在朋友中暂时变得唔可信。新一年问题会迎刃而解，你哋嘅友谊会因此而加深。

狮子座 LEO 23.07-22.08

学年预测
爱情：
秋天时爱情运佳，圣诞假前会同个Hot Guy发展。虽然只系去吓街，但同佢一齐都几开心。
学业：
虽然全年学业成绩不俗，但都提唔起你嘅兴趣。直至春天你先会揾到你钟意嘅科目。
朋友：
你好受欢迎，班Fd会选你做某些比赛嘅冠军。虽然夏天时会引起某些朋友嘅妒忌，但真正嘅Fd会撑你。

处女座 VIRGO 23.08-22.09

学年预测
爱情：
虽然今年无刻意揾男友，但仍然会畀你遇到。起初你唔会留意佢，但到春天，你会不知不觉爱上佢。
学业：
即使在学业上揾唔到满足感，你对功课依然认真，你想快些升大学或者出来工作。记住种瓜得瓜，今日要努力，他朝方成功呀！
朋友：
同班旧姊妹越越来越越唔夹。春天时你会识到一班志同道合的新朋友。

天秤座 LIBRA 23.09-22.10

学年预测
爱情：
今年超多人追，你会同至少两个男生交往。春天时一位特别嘅男生出现，令你为佢而定落嚟。
学业：
为了要升到间好大学或者参加交流活动，除了一向好叻嘅语文同歷史科外，你连其他科都一样咁掂。
朋友：
今年你会同不同文化背景或宗教信仰的朋友特别Fd，你会觉得同佢哋有好多共同兴趣。

天蝎座 SCORPIO 23.10-22.11

学年预测
爱情：
秋天时不断觅食，但要等到春天先有恋事出现。夏天会同个Cute Guy糖黐豆，但好快你就会热情冷却。
学业：
今年读书好醒，令所有人大为震惊。秋天时有几科要揾人帮手，但渐渐你会帮返人转头。
朋友：
唔系所有朋友都信得过。你同学校啲Fd玩好过同出面啲Fd玩，因为后者会为你带来麻烦。

人马座 SAGITTARIUS 23.11-21.12

学年预测
爱情：
今年恋事多。你深入发展一段恋情前要学懂接受别人嘅意见，同BF的嘅每个拗撬都会帮助你哋更了解对方。
学业：
你有时留心，有时发梦，但整体学业尚可。你要拣啲自己有兴趣嘅科目读。
朋友：
你一直系班Fd嘅Leader，今年你会搞清楚究竟想同边啲朋友玩。

欢迎光临心情论坛 (http://bbs.exinqing.net/)